Gæðagisting á Norðurlandi
Sóti Lodge er sveitahótel í Fljótum í Skagafirði sem býður viðskiptavinum hágæðagistingu í hjarta Tröllaskaga. Bókaðu hér til að tryggja þér þægilega gistingu við nyrstu strandir – við bjóðum 20% afslátt á staðgreiðsluverði sumarið 2025!
Hótelið er starfrækt í gamla skólahúsinu að Sólgörðum, sem skipar mikilvægan sess í sögu héraðsins. Þar var kennt til ársins 1985. Frá Sóta er glæsilegt útsýni í allar áttir – í norðri blasir Norður Íshafið við utan við Fljótavíkina, en til austurs skera tindar Austur-Fljóta himininn og taka móti sólinni að morgni. Flókadalurinn, landnám Hrafna-Flóka Víglundssonar heldur svo utan um hótelið í suðri og vestri.
Á Sóta eru sjö smekklega innréttuð herbergi, öll útbúin með salerni og sturtu. Við leggjum áherslu á gestrisni, gæði og ábyrga ferðaþjónustu og seljum alla gistingu með morgunverði og þriggja rétta kvöldverði inniföldum í herbergisverði.
Herbergin okkar
Á Sóta Lodge er lagt mikið upp úr gæðum, bæði í innréttingum og allri þjónustu. Við bjóðum upp á þrenns konar herbergi, en öll herbergin eru með salerni og sturtu og hágæðadýnum í rúmum, til þess að tryggja þægindi, notalegheit og hvíld að loknum viðburðarríkum dögum. Herbergin eru seld með hálfu fæði og við höfum lagt metnað í að skapa ljúffengan matseðil sem gleður bæði bragðlauka og augu.
Hjónaherbergi
Hjónaherbergin okkar eru tilvalin til slökunar eftir dásamlega daga á Tröllaskaga
Bóka herbergiÞriggja manna
Þriggja manna herbergið er okkar stærsta, með tvíbreiðu rúmi, þægilegum svefnsófa, salerni og sturtu.
Bóka herbergiMatur er mannsins gaman
Við leggjum okkur fram um að bjóða úrvals máltíðir sem grundvallast á íslensku hráefni og íslenskum matarhefðum. Allri gistingu hjá okkur fylgir þriggja rétta kvöldmáltíð, næringarrík og bragðgóð. Morgunverðarhlaðborðið leggur línurnar fyrir daginn og gefur orku til upplifana á Tröllaskaga.
Hráefni úr héraði
Við erum stolt af sterkri stöðu héraðsins í matvælaframleiðslu. Við leitumst við að bjóða upp á lambakjöt úr nágrenni okkar og þrátt fyrir að fiskveiðar hafi lagst af í Haganesvík reynum við af fremsta megni að tryggja að okkar fiskmeti sé veitt af sjómönnum á Tröllaskaga.
Gnægtarhorn árstíðanna
Hver árstíð á sitt bragð og sína lykt. Á vorin bíðum við þess að gróandinn hefjist að nýju en í gegnum tíðina höfum við nýtt okkur fuglsegg til að fá dýrmætt ferskmeti að liðnum löngum vetri. Sumarið ber með sér ilmandi laufblöð og jurtir sem í árhundruð hafa verið notuð til að bragðbæta mat og lækna mein. Síðla sumars bætast berin við og uppskera haustsins kitlar bragðlaukana fram á vetur, en haustið er líka tíminn til veiða.
Borið fram með stolti og ánægju
Við erum stolt of okkar héraði og gerum okkar besta til að koma því á framfæri í gegnum matföng og þjónustu. Okkar ósk er að þið njótið hverrar stundar hjá okkur.