Bátsferð frá Siglufirði um nyrstu strendur Tröllaskaga

Upplifðu sögu og náttúru við nyrsta haf í bátsferð okkar á eikarbátnum Örkinni!

Njóttu dagsins í ljúfri siglingu um söguslóðir Siglufjarðar og nágrennis. Við nyrstu strandir Tröllaskaga hafa íbúar um aldir þurft að takast á við óvægin náttúruöfl og búskaparsagan er saga af seiglu, þrjósku og örlögum. Margir fremstu rithöfundar landsins hafa sótt sér efni í þá atburði sem hér hafa átt ser stað, nú síðast Hallgrímur Helgason í Segulfjarðarópus sínum og Einar Kárason í frásögn sinni af flugslysinu í Héðinsfirði, Þung ský.

Við tökum stefnu út Siglufjörð í átt að landnámi Þormóðar Ramma á Siglunesi. Við dólum okkur um fjörðinn, skoðum landslag, fuglalíf og spáum í mannvist og náttúrusögu. Gestum er boðið upp á að renna fyrir fiski um leið og boðið er upp á kaffisopa. Ef gæfan er með okkur, er aldrei að vita nema að við sjáum glitta í þau sjávarspendýr sem eiga heimili sitt við strendur landsins.

Bátsferðir gerast ekki betri.

Verð

Fullorðnir:  13.900 kr

Börn undir 12 ára: 7.450 kr

Innifalið

• Sagna- og náttúruleiðsögn
• Veiði
• Bátsferð
• Kaffi , kakó og vatn

Gott er að koma með í bátsferð

• Vatnsflösku og létt nesti
• Hlýjan fatnað og skjólfatnað
• Húfu, trefil og vettlinga
• Myndavél!
• Best er að vera í vatnsþolnum skóm.

Mæting

Almennt hittumst við á skrifstofu Sóta Summits við Aðalgötu á Siglufirði, en það getur verið breytilegt eftir hafnarlegu Arkarinnar. Vinsamlegast mætið um 30 mínútum fyrir brottfarartíma. Ferðin tekur um fjóra tíma, og við áréttum nauðsyn þess að klæða sig vel – það er alltaf kaldara á sjónum en maður býst við.

Brottfarir á laugardögum í júlí og ágúst 2027: allar ferðir hefjast kl. 10

Ath: Lágmarksfjölda farþega þarf til að bátsferð sé farin. Bóka þarf með dags fyrirvara.

Aðrir brottfarartímar skv. samkomulagi, fáið upplýsingar og bókið á info@sotisummits.is

Sólsetursferð? Einkaferðir mögulegar, fáið upplýsingar og bókið á info@sotisummits.is

Við hlökkum til að fara með þér á sjóinn!