Við hlökkum til vetrarins
Það haustar og kólnar. Hér norðan heiða hvítnar í fjöllum og frystir á pollum. Við sem þráum að komast í skíðaferð fylgjumst með veðurspá og látum okkur dreyma um snjókomu og kuldatíð. Á hótelinu okkar, Sóta Lodge, er búið að ganga frá eftir sumarið og húsíð bíður þess að fyllast af spenntum skíðagörpum á nýju ári. Þetta er tilvalinn tími til að huga að næstu ævintýrum og gefa gjafir sem skapa minningar og gleði – og gefa gjafabréf hjá Sóta Summits.
Það er gaman á skíðum. En það er ekki síður gaman að gefa skíðaferð. Hægt er að kaupa gjafabréf hjá Sóta Summits, sem gilda í alla þjónustu og afþreyingu sem við bjóðum upp á. Þannig er hægt að kaupa ávísun á gistingu og huggulegheit á Sóta Lodge. Það er einnig hægt að kaupa gjafabréf í allar ferðir á okkar vegum. Þetta er tilvalin gjöf fyrir alla sem unna þess að vera úti í íslenski náttúru – hafið samband!
Árið hefst með gönguskíðaferðum
Hjá Sóta Summits vinnum við með árstíðunum, birtunni og veðrabrigðum. Þannig hefjum við skíðavertíðina okkar ár hvert á jafnsléttu, þar sem snjóalög í Fljótum bjóða allajafna upp á frábær skilyrði til gönguskíðaiðkunar. Gönguskíðanámskeiðin okkar hafa fengið góðar umsagnir gesta, enda njótum við þess að kenna og þjálfa í náttúru Fljótanna, umkringd fjöllum og með sjávarniðinn í bakgrunni. Bókanir eru í fullum gangi og um að gera að tryggja sér pláss sem fyrst.
Með hækkandi sól hefjast fara fjallaskíðaferðir af stað
Með hækkandi sól og lengingu dagsins hefst fjallaskíðatímabilið okkar. Fjöllin á Tröllaskaga bjóða ótrúlegt úrval brekka, eins og sjá má úr borðsalnum á hótel Sóta Lodge. Það er erfitt að lýsa gleðinni sem gagntekur sálina þegar sólin gægist yfir austurfjöllin í Fljótum og dagurinn bara bíður eftir þér.
Ferðirnar okkar eru hæfi allra sem vilja auka öryggi sitt á fjallaskíðum og við erum stolt af því að vinna með mörgu af reyndasta fjalla- og skíðafólki landsins, sem gjörþekkir svæðið okkar eftir að hafa skíðað hér um árabil.
Við erum líka stolt af því að bjóða einstakt utanbrautar skíðanámskeið, leitt af Leifi Erni Svavarssyni og Söru Hlín Sigurðardóttur. Þar eru þátttakendur eru þjálfaðir í snjóflóðavörnum annarsvegar og tæknilegri hæfni í utanbrautarskíðun hins vegar. Þetta er blanda sem eykur öryggi og upplifun í fjallaskíðaferðum og við hvetjum allt skíðafólk til að tryggja sér pláss.
Á efstu brúnum í þyrluskíðaferðum
Skíðavertíðinni á Sóta Lodge lýkur með snörpu þyrluskíðatímabili. Það hefur verið ánægja okkar og gleði að fá að taka á móti vaxandi hópi Íslendinga sem vill upplifa þetta ævintýri. Við bjóðum lengri ferðir fyrir vana skíðamenn, en einnig tökum við á móti dagsferðalöngum, og ekki síður þeim sem vilja fá að dvelja í faðmi fjallanna í tvo daga. Þá er fyrri dagurinn tieinkaður þyrluskíðun og seinni dagurinn fjallaskíðum. Þetta er snörp skíðaferð sem hentar vel sem íslensk gleðiferð að vori – og borgar sig að bóka sem fyrst.
Hafið samband og njótið norðlenska vetrarins
Hafið samband við okkur gegnum info@sotisumits.is, eða í síma 5512200. Okkur langar ekkert frekar en að hjálpa ykkur að skapa eftirminnilegar minningar fyrir þig og þau sem standa ykkur nærri.